ONGI ETORRI BASERRIRA! ate irekien ekimenaren 6. edizioa

Inoiz baino baserri gehiago eta anitzagoak

Ongi Etorri Baserrira 2019

Baserri mundua eta hiriaren arteko zubigintza lanak egiteko asmoz, orain 5 urte, 2014. urtean, ENBA sindikatuak Gipuzkoako 8 baserrietako ateak zabaltzea erabaki zuen, etxeko ateak zabalduaz, ekoizle eta kontsumitzaileenganako harremana sendotu eta estutu nahiean, honenbestez, NIREA ekimenean atxikia da.

Aurtengoan, ONGI ETORRI BASERRIRA ekimenaren seigarren edizioarekin gatoz, gure jakien jatorria berraurkitzeko eta beren ingurune naturalean, mahaiean dastatzen ditugun elikagaiak ekoizten dituzten baserritarrak ezagutzeko aukera ezinhobea eskeiniz.

Uztailak 5 eta 6an, Gipuzkoa eta Bizkaiko 40 inguru baserritarrek heuren baserrietako ateak zabalduko dituzte beren ikuiluak, baratzak eta landaguneak ezagutzera emateko.

ONGI ETORRI BASERRIRA ekimena, antolatzailea den sindikatuaren ustean, bertako elikagaien aldeko apustu garbia da, landaguneari balorea emateko, barnekaldeko zonaldetako turismoa sustatzeko eta nola ez, gure herri gastronomia goratzeko.

Familian edo lagunartean egiteko bisita zoragarriak jartzen dugu denon esku.

  • Aia: AGERRESORO AUNDI baserria (esne behiak – jezteko robota)
  • Donostia: UNANUE ZAR baserria (jateko sagarra - kiwi) 
  • Elgoibar: MAUSITXA baserria (ardiak-gazta eta larre behiak)
  • Errezil: BASABE-BARRENA baserria (sagastiak eta baserriko ogia). Haur tailerra: Nirea
  • Getaria: GAINTZA txakolindegia (mahastiak eta txakolina)
  • Lezama: La Gilda del Norte (Ibarrako piparrak Gildak eraldatu eta salmenta)
  • Oiartzun: PELUZAR baserria (baserriko arrautzak eta nekazalturismoa)
  • Oñati: GOMIZTEGI baserria (ardiak eta gazta)
Grupo de visitantes
Grupo de visitantes
  • Antzuola: LAMARIANO AZPIKOA baserria. AMA-TXO gaztandegia. Ardia eta gazta sorta zabala
  • Aralar: Inazio Irastorza “KATXINA” artzainaren bordara joan gara, bere bizimodua eta gaztagintza ezagutzeko eta bide batez, bere behorrak ere. Oinez orduterdiko bidea da eta norberak bere ogitartekoa eman behar.
  • Arrieta: BIORTZARTXU (nekazaritza ekologikoa)
  • Azpeitia: PREMI-ETXEBERRI baserria (larre behiak, ardiak eta gazta)
  • Azkoitia: JAUREGI baserria (Lumagorriko oilaskoak)
  • Dima: ABANS abelzaintza (okelarako behiak)
  • Donostia: POKOPANDEGI baserria (esne behiak eta GOENAGA yogurrak) BETETA!
  • Elorrio: ARRETA baserria (okelerako behiak)
  • Garai- Amorebieta-Etxano: MOMOITIO baserria (Euskaber arrautzak ekologikoak) eta ETXERRIAGA baserria (sagarrak, sagardoa eta baratza)
  • Iurreta: BASTERRA baserria (Pinu basoa, kudeaketa jasangarriaren ziurtagiriarekin)
  • Iurreta-Berriz: SAN MARKO baserria ( Lora eta landareak) eta AIARBI baserria (Esne behiak – esnea ontziratzea)
  • Irun: OIHANALDE baserria (larre behiak, ekoizpen ekologikorako konbertsioan) eta OLA sagardotegia (sagastiak-sagardoa) bazkari kontratatu daiteke bertakoekin aurrez hitzeginda.
  • Loiu (Lauro): ABAROA baserria (erlezaintza/ ezti ontziratzea) eta GAZTANATXU Barazkiak (Barazkiak)
  • Mungia: ARANTXA OÑAEDERRAren etxolak. (Lumagorriko aire libreko oilaskoak)
  • Mungia-Gamiz-Fika: LANDAKO ERROTA baserria (okelerako behiak) eta GOREKO baserria. (Nekazaritza ekologikoa)
  • Ordizia: ARRAMENDI baserria (esne behiak) Haur tailerra: Nirea
  • Urnieta: EULA sagardotegia (sagastiak-sagardoa)  ADARRAZPI baserria (ardiak, gazta eta mamia), bazkari-dastaketa kontratatu daiteke bertakoekin aurrez hitzeginda.
  • Urretxu: AIKUR baserria (erleak-ezti ekologikoa-propolioa, erle museoa)
  • Zarautz: BASO-BELTZ baserria (barazkigintza)
  • Zerain-Idiazabal: OLABIDE (ardiak) eta ONDRAMUÑO baserria (ARANBURU gaztandegia)

 

ruta

Bisita gida

Guía

Hizkuntza

  • Orlegiz agertzen diren ibilbideak euskara hutsean egingo dira.

Ordutegia

  • Bisita goizeko 11tan hasiko da ibilbideko lehen edo baserri bakarrean. Bertara norbera bere ibilgailuan joango da. Begira ezazu aurrez, webgune honetan, lehen baserriaren kokapena.
  • Bisita amaitu ondoren, bigarren baserrira (dagoenean behintzat) lagunduko zaitugu eta bertako bisitaldia amaitu ostean, produktu dastaketa egingo da.
  • Bisitaldi osoa 14,00ak aldera amaitzea aurreikusten da, arratsaldez luzatzen dana ezik.

Zenbat balio du

  • Bisitak dohakoak dira

Eguraldia

  • Etxetik abiatu baino lehen erreparatu eguraldiari eta landan ibiltzeko prestatu: aldatzeko arropa, oinetako erosoak, eguzkirako bisera, etab.

Ezin baduzu etorri...

  • Edozein arrazoirengatik bisitara joaterik ez baduzu, eskertuko genizuke ahal bezain laster jakitera emango bazenigu, ahal izanez gero, zure tokia beste norbaitek aprobetxa dezan.
  • Deitu 699 467 686 zenbakira eta Xabierrek hartuko dizu

Bisitaldia

  • Aurkezpena egin ondoren, baserritarrak bere etxea, bizimodua eta ekoizpena nahiz salmenta bidea azalduko du. Salmenta zuzena egiten duten baserrietan, produktua erosteko aukera izango duzu.

Nola iritsi

  • Saiatu gara ahalik eta argien azaltzea baserrien kokapena (helbidea, GPS seinalamenduda, baserriko telefonoa, etb) baina, hala ere, bidean izanik zalantza izanez gero, deitu baserrira eta berak lagunduko zaitu.

Zaindu ingurunea

  • Errespeta itzazu bai zuhaitzak, landareak, baratza, mahastiak bai abere hazienda. Pentsatu baserritarren ogibideaz ari garela.

Galdetu

  • Galdetu beldurrik gabe. Bisitaldian zalantzaren bat sortuz gero, galdetu lasai baserritarrari. Zein hobeto, bera baino, zure dudak argitzeko.

Eta amaitzeko

  • Emaiguzu zure iritzia: Ongi Etorri Baserrira! ekimena urteroko zita izatea da gure helburua. Zure iritzia jasotzea oso interesgarria da guretzat. Horrexegatik, bisita amaitzean, minutu batzu hartzea eskatuko dizugu baserrian bertan emango zaizun dizuen inkestatxoa betetzeko.
  • Zabaldu #ongietorribaserrira lau haizeetara: zabaldu eta partekatu ezazu sare sozialetan, #ongietoribaserrira etiketa erabiliaz, gure elikagaien jatorria jendearengana hurbiltzeko sustaturiko ekimena hau.
  • Argazkiak atera eta bidali: bisitaldiarekin gozatzeaz gain aprobetxa ezazu baserri, baratza, baso edo ganaduaren argazkiak ateratzeko eta bidali iezazkiguzu. Argazkiak bidaltzen dizkiguten pertsonen artean zozketatxoa egingo dugu, hain zuzen ere, nekazalturismo batean 4 pertsonentzat 2 gauetako egonaldia, NEKATUReko Bonus Fucsia deritzana. Baserrietan atera eta zozketan partehartzeko bidalitako argazkiak, Ongi Etorri Baserria!-ren Flicker-eko galerian zintzilikatuko dira eta OEBren komunikazio eta sustapen lanaterako erabiliko ahal dira antolatzaile aldetik.

Jarrai gaitzazu urte osoan zehar

  • Hemendik gutxira, baserri mundua eta hiriaren arteko zubigintza lanetarako sortutako Ongi Etorri Baserrira! ekimena berrindartu nahi dugunez, ekimenaren jarraipena egiteko gonbitea luzatzen dizugu bai webgunearen bitartez bai sare sozialetan (facebook, twitter, flickr) edota hemendik aurrera sustatu nahi ditugun nobedadeak jasoko dituen boletinean izena emanaz.

Informazioa gehiago

  • ONGI ETORRI BASERRIRA ekimenari buruzko informazioa eta baserritarren adierazpenak lortzeko erreportairen bat egiteko, jar zaitezte harremanetan ENBAko koordinatzailea den Xabier Iraolarekin (699 4676 86)

Izena eman

Egin klik pribatutasun politika irakurtzeko. / Haz clic para leer la política de privacidad.
 

boletin

kontaktua/contactoFacebookTwitterFlickrYoutube

Antolatzailea:

ENBA

Babesleak:

BBK FundazioaBellota Agrisolutions

 

Laguntzaileak:

Gora joan